Աշխարհի առաջին ռակետ ամերիկուհի Սերենա Ուիլյամսը «Ուիմբլդոն 2013»-ի յուրաքանչյուր խաղից հետո իր հետ վերցրել է մրցաշարի լոգոյով սրբիչներ: Այս մասին հայտնել է բրիտանական մամուլը`հիմնվելով ականատեսի խոսքերի վրա:
-Սերենան խաղից առաջ թենիսիստների համար նախատեսված երկու սրբիչները տեղավորել է իր պայուսակում, իսկ հետո խնդրել ևս երկուսը բերել:Այդ ձևով նա չորս խաղերի ընթացքում շուրջ   30 սրբիչ է վերցրել,-ասել է ականատեսը:

Մրցաշարի կազմակերպիչներից մեկը նշել է, որ դրա մեջ վատ բան չկա:Վերջինս նշել է.

-Մենք մարզիկներին խնդրում ենք վերադարձնել սրբիչները, բայց եթե նրանք կամենում են իրենց հետ տանել, մենք թույլ ենք տալիս: